Hawaii Wake 2

Akwah i:ken tsi kenon:we's ne Hawaii. Yohskats, yo'tari:hen tahnon e:so ni niya'te:kon onhka ok ayontyere ehtho non:we. Yonwe:son Hawaiihne tahnon Kauai ne e aonhat tkenon:we's kawena:ke. Tokat ihsehre asatawen skahne kentyokshon'a enwa:ton, tokat ihsehre yahserahten tsi tyonon:tote enwaton o:ni. Hati nahoten ihsehre asatyere ehtho nonwe enwaton.
Senha wakatshenonni nonwa ne e aoriwa wa'tewakatonhwentyohse akatorisen tahnon ehtho na'katyere.

Nonwa tontakewe ne Ohsweken, i:kehre yaonsakehte ne Hawaii. Sotsi yothore atste, sotsi e:so onyehte yonhwentya:ke ka:yen tahnon yah tekenon:we's, Nek tsi teyotonhwentsyohon akateweyenhste ne kanyenkeha. Ehtho ka:ti, wakatshenon:ni tsi skateweyenhstha a:re.

Hawaii wake

Ensewen:te, Hawaii yenyakwehte ne akhwatsi:re tahnon yah tekehre sewenhnisera o:ya aonsakateha:rate. Akwah tsi tewakeweyennhara:'onh tsi nahe takatahsawen aonsakataweya'ta:na a:re.

Niya'tewahsontake akwa tsi ok non:we yeke's, ne:'e aori:wa tekattsihkwa'eks tahnon teyotonhwenntyohon akatya'takari:yohste ahsen niwateratstha tsi niwent:tehs. Tahnon Riyen'a tehattsihkwa'eks owisa:ke ahsen niwateratstha tsi niwen:tehs o:ni. Tahnon o:ni kheyen'a teyenonnyahkwa Tsi tkanatahere tewateratstha tsi niwen:tehs. E:tho kati akwah i:ken tsi tewakhwhishenhe:yonh tahnon tewakatonwenntyo:nih akatorihsen.

Akhwatsi:re yenyakwe:seke Hawaii thoha ahsen niwenta:ke tahnon yenyakwehte tewe:nake, Kauai tahnon Maui. Ne o:nen yen:kewe, i:kehre yake:seke atsya:kta tahnon ikehre akatya'tyonnite tsi yorahkote. Tahnon o:ni i:kehre aonsonke'nikon:rhen akwe:ko
tewake'nikonrharha.